سفارتی محاذ پر وزیراعظم عمران خان کی کامیابیوں پر مبنی ویڈیو جاری

Share this story

وزیراعظم نے پاکستان کو تنہا کرنے کی مودی سازشوں کو ناکام بنایا، مظلوم کشمیریوں کی آواز بلند کی، عالمی دنیا سے تعلقات کو مثالی بنایا

اسلام آباد: پاکستان کو تنہا کرنے کی ناکام کوششیں اور عالمی منظر نامے پر پاکستان کا کردار کیسے اہم ہوا؟ وزیراعظم آفس نے سفارتی محاذ پر عمران خان کی کامیابیوں پر مبنی ویڈیو جاری کر دی۔

بھارت نے پاکستان کو دنیا بھر میں اکیلا کرنے کے لئے ایڑی چوٹی کا زور لگا دیا، مگر وزیراعظم عمران خان کے بہترین طرز حکومت اور خارجہ پالیسی کے باعث بھارت کو منہ کی کھانا پڑی۔

کئی ممالک کے لیڈران نے ناصرف پاکستان کا دورہ کیا بلکہ ہر مشکل وقت میں پاکستان کے ساتھ کھڑے رہنے کے عزم کا اعادہ بھی کیا۔

پاکستان میں انٹرنیشنل کھیلوں کی واپسی ہوئی، پاکستان کو سیاحت کے لحاظ سے بہترین ملک قرار دیا گیا۔

اس بھارت نے پاکستان کو تنہا کرنا تھا، وزیراعظم عمران خان کی بہترین خارجہ پالیسی کے باعث وہ دنیا بھر میں آج خود تنہا کھڑا ہے۔

اس ویڈیو میں پاکستان کے خلاف مودی کی سفارتی سازشیں ناکام بنانے کیلئے وزیراعظم کی کوششوں، فارن پالیسی کے ذریعے بھارت کی پاکستان کو تنہا کرنے کی کوشش کو ناکام کیسے بنایا گیا؟ وزیراعظم کے اعلیٰ سطح بیرونی دوروں کا مقصد کیا تھا؟ یو اے ای، سعودی عرب اور امریکہ کے ساتھ تعلقات کو مثالی کس طرح بنایا گیا؟ افغان امن عمل سمیت سعودی ایران تنازع میں پاکستان کا کردار مرکزی حیثیت کیسے اختیار کر گیا؟ کو دکھایا گیا ہے۔

برطانیہ سمیت کئی ممالک نے پاکستان کیلئے ٹریول ایڈوائزری بہتر بنائی۔ وزیراعظم نے کشمیر کے معاملے پر مظلوم کشمیریوں کا سفیر بن کر آواز دنیا بھر میں بلند کی۔

بھارت کی ظالمانہ پالیسیوں کے خلاف مودی کا فاسشٹ نظریہ عالمی سطح پر بے نقاب کیا۔ مودی کی کوششوں کے باوجود امریکہ نے کشمیر کے مسئلے پر ثالثی کی پیشکش کی۔ پہلی دفعہ بڑے ممالک سمیت عالمی میڈیا کشمیر کے حق میں آواز اٹھانے لگا۔

Source Dunya News

Share this story

Leave a Reply