وزیراعظم سے آرمی چیف کی ملاقات، ملکی سلامتی کی صورتحال پر تبادلہ خیال

Share this story

مانیٹرنگ ڈیسک – وزیراعظم عمران خان سے آرمی چیف جنرل قمر جاوید باجوہ کی اہم ملاقات ہوئی ہے۔

تفصیلات کے مطابق پرائم منسٹر ہاؤس میں وزیراعظم عمران خان سے آرمی چیف جنرل قمر جاوید نے ملاقات کی جس میں بعض وفاقی وزراء بھی موجود تھے۔

ملاقات میں لائن آف کنٹرول پر بھارتی جارحیت سے پیدا شدہ صورتحال، خطے میں بدلتے حالات، مقبوضہ کشمیر، افغان امن عمل پر گفتگو کی گئی۔

ذرائع کے مطابق ملاقات میں ملکی سلامتی کی صورتحال، سرحدوں پر سیکورٹی، داخلی امن و امان کے امور بھی زیر غور آئے۔

خیال رہے کہ اس سے قبل حکومتی ترجمانوں کے اجلاس سے خطاب کرتے ہوئے وزیراعظم عمران خان نے کہا تھا کہ قومی ادارے قابل احترام ہیں۔ قومی ادارے ایک پیج پر ہیں اور ملک کے اتحاد کی ضمانت ہیں۔

ذرائع کے مطابق وزیراعظم کی زیرصدارت حکومتی ترجمانوں کے اجلاس کے بعد مشیر پارلیمانی امور بابر اعوان نے بھی عمران خان سے ملاقات کی جس میں ملکی تازہ سیاسی صورت حال،حکومتی اموراور نئی قانون سازی پر مشاورت کی گئی۔

ملاقات میں گزشتہ روز ہونے والی اپوزیشن جماعتوں کی اے پی سی پر بھی گفتگو ہوئی۔

Share this story

Leave a Reply