سندھ میں کورونا کے 217 مریض، ایکسپو سینٹر میں 10ہزار بستر کا اسپتال بنانے کا اعلان‎

Share this story

ایکسپو سینٹر کو اسپتال میں منتقل کرنے کے لیے کور کمانڈر کراچی اور سندھ حکومت کی ٹیم بنائی جا رہی ہے

کراچی: سندھ بھر میں کورونا وائرس کے مریضوں کی تعداد 217 ہوگئی جب کہ وزیراعلیٰ سندھ نے کراچی ایکسپو سینٹر میں 10 ہزار بستروں پر مشتمل اسپتال قائم کرنے کا اعلان کردیا۔

ایکسپریس نیوز کے مطابق کراچی سمیت سندھ بھر میں کورونا وائرس کے کیسز میں مزید اضافہ ہوگیا، چوبیس گھنٹوں کے دوران کراچی میں 9 افراد میں کورونا وائرس کی تصدیق ہوگئی، سندھ بھر میں کورونا وائرس سے متاثرہ افراد کی تعداد 217 ہوگئی جس میں سے 65 افراد کا تعلق کراچی سے ہے۔

محکمہ صحت سندھ کے مطابق کراچی سے تعلق رکھنے والے مزید 9 افراد کورونا وائرس میں مبتلا ہوگئے، تمام افراد کے ٹیسٹ کے نتائج مثبت آنے پر کورونا وائرس کی تصدیق ہوئی۔ متاثرہ افراد رابطوں کے ذریعے وائرس سے متاثر ہوئے، جنہیں آئسولیشن وارڈ میں داخل کردیا گیا۔

محکمہ صحت سندھ کے مطابق سندھ بھر میں کورونا وائرس سے متاثرہ افراد کی تعداد 217 ہوگئی ہے جسمیں سے 151 مریضوں کا تعلق سکھر، 65 مریضوں کا تعلق کراچی اور ایک کا حیدرآباد سے ہے، کراچی سے تعلق رکھنے والے دو مریضوں کو صحتیابی کے بعد گھر بھیج دیا گیا ہے جبکہ کورونا وائرس سے متاثرہ 215 مریض مختلف اسپتال میں زیر علاج ہیں۔

اس ضمن میں وزیراعلیٰ سندھ مراد علی شاہ کی زیرصدارت اہم اجلاس ہوا جس میں فیصلہ کیا گیا کہ کراچی کے ایکسپو سینٹر میں بھی ایک اسپتال قائم کیا جائے گا جو 10 ہزار بستروں پر مشتمل ہوگا۔

ترجمان سندھ حکومت کے مطابق کور کمانڈر کراچی اور سندھ حکومت کی ٹیم بنائی جا رہی ہے جو یہ کام سر انجام دے گی جب کہ سعید غنی حکومت سندھ کی طرف سے کمیٹی کی سربراہی کریں گے اور ٹیم میں کمشنر کراچی بھی شامل ہوں گے۔

Source

Share this story

Leave a Reply