وزیر اعظم کامربوط کوششوں کےذریعےکورونا وائرس سےنمٹنے کے حکومت کے پختہ عزم کااظہار

Share this story

وزیراعظم عمران خان نے مربوط کوششوں اور سمارٹ لاک ڈاؤن کے ذریعے کورونا وائرس کے پھیلاو کی دوسری لہر سے نمٹنے کے بارے میں حکومت کا پختہ عزم ظاہر کیا ہے۔

انہوں نے اس عزم کا اظہار بل اینڈ میلنڈاگیٹس فاؤنڈیشن کے شریک چیئرمین بل گیٹس سے ٹیلی فون پر گفتگو میں کیا۔

فریقین نے پاکستان میں کورونا کی صورتحال اور پولیو کے خاتمے کی کوششوں پر تبادلہ خیال کیا۔

انہوں نے سماجی بہبود کے احساس پروگرام کے لئے گیٹس فاؤنڈیشن کی جاری امداد کو سراہاجوپاکستان کی آبادی کے پسماندہ طبقے کو امداد فراہم کی جائے گی اور وہ صحت  غذا اور معاشی بحالی میں فاؤنڈیشن کے تجربات سے استفادہ کرسکیں گے۔

عمران خان نے تمام ترقی پذیر ممالک کیلئے کورونا ویکسین کی محفوظ اور موثر فراہمی کی کوششوں کیلئے گیٹس فاؤنڈیشن کی موثر مہم کی تعریف کی۔

پولیو کے خاتمے کیلئے پاکستان کی ہنگامی استعداد کار میں اضافے پر گیٹس فاؤنڈیشن کا شکریہ ادا کرتے ہوئے وزیراعظم نے کہا کہ ملک بھر میں پولیو کے خلاف مہم میں تیزی لائی جا رہی ہے۔

بل گیٹس نے اس موقع پر کورونا کی روک تھام اور معاشی بحالی کیلئے پاکستان کی کوششوں کو سراہا۔

Share this story