• This topic is empty.
Viewing 1 post (of 1 total)

  • Author
    Posts
  • #11915
    Syed Muhammad
    Moderator

    چیف آف آرمی اسٹاف جنرل قمر جاوید باجوہ نے بحرین کے تین روزہ دورے میں فرماں روا اور ولی عہد سمیت دیگر اعلیٰ عسکری حکام سے ملاقات کی جہاں علاقائی سیکیورٹی پر تبادلہ خیال کیا گیا۔

    پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ ‘آرمی چیف جنرل قمر جاوید باجوہ نے 6 جنوری سے 8 جنوری تک بحرین کا سرکاری دورہ کیا’۔

    پاکستان کا “فتح۔ون” ملٹی لانچ راکٹ سسٹم کا کامیاب تجربہ

    بیان میں کہا گیا کہ ‘آرمی چیف نے دورے میں فرماں روا سلمان بن حمد بن عیسیٰ الخلیفہ، ولی عہد، نائب سپریم کمانڈر اور ریاست بحرین کے وزیراعظم فیلڈ مارشل شیخ خلیفہ بن احمد الخلیفہ، کمانڈر انچیف بحرینی ڈیفنس فورسز لیفٹننٹ جنرل شیخ محمد بن عیسیٰ الخلیفہ، کمانڈر بحرینی نیشنل گارڈ سے ملاقاتیں کیں’۔

    آئی سی پی آر کا کہنا تھا کہ ‘ملاقات کے دوران باہمی دلچسپی، دو طرفہ دفاعی اور سیکیورٹی تعاون کے ساتھ ساتھ مشرق وسطیٰ میں سیکیورٹی حالات زیر بحث آئے’۔

    کور کمانڈر کانفرنس: دہشت گردوں اور سہولت کاروں کو شکست اور کشمیریوں کی حمایت جاری رکھنے کا عزم

    بحرین کی قیادت نے پاکستان کے ساتھ خصوصی تعلقات کے عزم کو دہرایا اور دونوں ممالک کے درمیان بہتر تعلقات کے لیے کام کرنے کا اعادہ کیا۔

    آئی ایس پی آر کے مطابق ‘بحرین کے فرماں روا سلمان بن حمد بن عیسیٰ الخلیفہ نے آرمی چیف جنرل قمر جاوید باجوہ کو دونوں ممالک کے درمیان دفاعی تعاون کے لیے بہترین خدمات کے اعتراف میں بحرین آرڈر (فرسٹ کلاس) سے نوازا’۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.