• This topic is empty.
Viewing 1 post (of 1 total)

  • Author
    Posts
  • #12237
    Farhan Khan
    Participant

    امریکا سے تعلق رکھنے والے معروف ٹاک شو میزبان لیری کنگ 87 سال کی عمر میں چل بسے۔ لیری کنگ کے ٹوئٹر اکاونٹ پر اور میڈیا کی جانب سے ایک پیغام میں اس کی تصدیق کی گئی۔ اس پیغام میں لکھا گیا کہ ہمارے شریک بانی، میزبان اور دوست لیری کنگ 23 جنوری کی صبح لاس اینجلس کے سیڈرز سینائی میڈیکل سینٹر میں 87 سال کی عمر میں انتقال کرگئے۔

    امریکی نشریاتی ا دارے سی این این کے مطابق لیری کنگ نے اس چینیل میں 25 سال کے دوران 30 ہزار سے زیادہ انٹرویوز کیے۔ اپنے کیرئیر کے دوران انہوں نے امریکا کے صدور رچرڈ نکسن سے لے کر ڈونلڈ ٹرمپ کے انٹرویوز کیے جبکہ بین الاقوامی شخصیات بھی ان کے شوز کا حصہ بنیں۔

    جنوری کے آغاز میں لیری کنگ کے بارے میں رپورٹ سامنے آئی تھی کہ وہ کورونا وائرس کی وجہ سے ہسپتال میں زیرعلاج ہیں۔ اس موقع پر سی این این نے ان کے خاندان کے قریبی ذرائع کا حوالہ دیتے ہوئے کہا کہ لیری کنگ ایک ہفتے سے زائد مدت سے لاس اینجلس کے سیڈارز سنائی میڈیکل سینٹر میں زیرِ علاج ہیں۔ لیری کنگ پہلے ہی طبی مسائل کا سامنا کررہے تھے اور 2019 میں فالج کے حملے سے بمشکل بچے تھے۔

    لیری کنگ کے بیٹے لیری کنگ جونیئر نے رواں ہفتے ایک مضمون میں بتایا تھا کہ ان کے والد دسمبر کے آخر سے بیمار تھے۔ انہوں  نے کہا ‘میرے والد کی ڈاکٹروں نے بہت اچھی نگہداشت کی، میں اور میرے بھائی ویڈیو کالز کے ذریعے والد سے رابطے میں ہیں’۔

    لیری کنگ امریکی ٹیلویژن پر جانی مانی شخصیات میں سے ایک ہیں، وہ اپنی رنگ برنگی ٹائز اور بڑے گلاسز سے پہچانے جاتے ہیں۔ انہوں نے 1974 سے ہر امریکی صدر سے لے کر عالمی رہنماوں یاسر عرفات اور ولادیمیر پیوٹن، سیلیبریٹیز فرینک سیناترا، مارلون برانڈو اور باربرا اسٹریسنڈ کا انٹرویو کیا۔ لیری کنگ نے 25 برس تک سی این این پر ‘لیری کنگ لائیو’ کی میزبانی کی اور وہ 2010 میں ریٹائرڈ ہوئے۔ تاہم انہوں نے اپنی ویب سائٹ پر انٹرویوز کا سلسلہ جاری رکھا اور 2012 میں آن ڈیمانڈ ڈیجیٹل نیٹ ورک اورا ٹی وی، جس کے وہ شریک بانی بھی تھے پر ‘ لیری کنگ نا’ کی میزبانی شروع کی۔ 2012 میں انہوں نے اورا ٹی وی پر ایک اور شو ‘پولیٹیکنگ ود لیری کنگ’ کی میزبانی بھی شروع کی تھی۔

     

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.