• This topic is empty.
Viewing 1 post (of 1 total)

  • Author
    Posts
  • #13383
    Farhan Khan
    Participant

    امریکہ کی سدرن کیلیفورنیا یونیورسٹی اپنی 700 سے زائد طالبات کے ساتھ جنسی زیادتی روکنے میں ناکامی پر 85.2 کروڑ ڈالر تاوان کی ادائیگی کرنے پر رضا مند ہو گئی ہے۔

    یہ کسی بھی یونیورسٹی یا کالج میں جنسی زیادتیوں کے واقعات میں ازالے کے طور پر ادا کی جانے والی سب سے بڑی رقم ہے۔

    ان خواتین نے یونیورسٹی کی انتظامیہ کے خلاف مقدمہ کیا تھا کہ اس کے ایک ڈاکٹر نے سنہ 1990 سے لے کر سنہ 2016 تک مختلف اوقات میں انھیں جنسی زیادتی کا نشانہ بنایا تھا۔

    کیلیفورنیا کی سٹیٹ کورٹ میں دائر کیے گئے مقدمے کی وجہ 710 سابقہ طالبات کے وہ الزامات تھے جو انھوں نے یونیورسٹی کے اُس زمانے کے ماہرِ امراضِ نسواں ڈاکٹر جارج ٹِنڈال پر عائد کیے تھے۔ ڈاکٹر ٹنڈال نے ان الزامات کی تردید کی تھی تاہم اُنھیں اس وقت ان الزامات کا ایک اور عدالت میں سامنا ہے۔

    مقدمہ کیا تھا؟

    ڈاکٹر جارج ٹنڈال پر کئی خواتین نے الزام لگایا تھا کہ وہ ان کے طبی معائنے کے دوران ان کے ساتھ زیادتیاں کرتے رہے تھے۔ ان خواتین نے عدالت میں مقدمہ دائر کیا تھا کہ ان زیادتیوں کے واقعات کے بارے میں یونیورسٹی کی انتظامیہ کو بتایا گیا تھا لیکن انھوں نے اس ڈاکٹر کو برطرف نہیں کیا۔

    لاس اینجلس میں قائم اس یونیورسٹی نے اس ڈاکٹر کو 2017 میں معطل کر دیا تھا۔ اس کے بعد اس معاملے کو سرکاری میڈیکل بورڈ میں بھیج دیا گیا۔

    More on this story from BBC Urdu

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.