• This topic is empty.
Viewing 1 post (of 1 total)

  • Author
    Posts
  • #9946
    Shaista Khan
    Participant

    ممبئی (ویب ڈیسک) سلمان خان کے ساتھ اداکاری کے جوہر دکھانے والے معروف اداکارہ ثناء خان نے بھی اسلام کی خاطر شوبز انڈسٹری چھوڑ دینے کا اعلان کردیا۔

    بگ باس سیزن 6 سے شہرت کی بلندیوں کو چھونے والی بھارتی ادارہ ثناء خان نے مذہب کی خاطر فلمی دنیا کو خیر باد کہنے کا اعلان سماجی رابطے کی ویب سائٹ پر کیا، انہوں نے کہ اب وہ اپنی زندگی اللہ تعالیٰ کے احکامات کے مطابق انسانیت کی خدمت میں گزاریں گی۔

    ثناء خان نے ’بسم اللہ الرحمٰن الرحیم‘ سے اپنے سوشل میڈیا پیغام کا آغاز کرتے ہوئے اسے اردو اور انگریزی زبان میں جاری کیا تاکہ دنیا بھر میں پھیلے ہوئے ان کے مداحوں کو بھی آگاہی ہوسکے۔

     

    View this post on Instagram

     

    A post shared by Sana Khan (@sanakhaan21) on

    انہوں نے کہا کہ ’دولت، شہرت اور عزت حاصل کرنے کے باوجود ایک کشمکش میں تھی اور بہت سے سوالات میرے ذہن میں تھے جس کے سوالات گزشتہ کئی دنوں سے تلاش کررہی تھی‘۔

    سابق بھارتی اداکارہ کا کہنا تھا کہ ’اسلام کی روشنی میں اپنے جواب ڈھونڈے تو اُنہیں جواب ملا کہ ہماری دُنیاوی زندگی کا مقصد آخرت کو بہتر بنانا ہے اور یہ اُسی وقت ممکن ہے کہ جب ہم اللّہ تعالیٰ کے احکامات کے مطابق زندگی گُزاریں گے‘۔

    ثناءخان نے ایک اہم اعلان کرتے ہوئے لکھا کہ ’وہ شوبز انڈسٹری چھوڑ کر اپنی تمام زندگی انسانیت کے خدمت پر وقف کریں گی اور وہ اللّہ تعالیٰ کے حکم پر چلنے کا پکّا ارادہ کر رہی ہیں‘۔

    اُنہوں نے اپنے تمام چاہنے والوں سے دُعا کی اپیل کرتے ہوئے کہا کہ ’سب اُن کے لیے دُعا کریں کہ وہ اپنے اس فیصلے پر ہمیشہ قائم رہیں‘۔

     

    View this post on Instagram

     

    A post shared by Sana Khan (@sanakhaan21) on

    ثناء خان کی مشہور بالی وڈ فلموں میں جے ہو، وجہ تم ہو، ممبئی ٹو گوا، ہلّا بول اور ٹوائلٹ شامل ہیں۔

    خیال رہے ان سے قبل عامر کی بیٹی کا کردار کرنے والی اداکارہ زائرہ وسیم نے بالی ووڈ چھوڑنے کا اعلان کرتے ہوئے کہا تھا کہ اس فیلڈ میں کام کرنے کی وجہ سے ان کا ایمان خطرے میں پڑرہا ہے اور وہ بہت خاموشی سے اپنے مذہب سے دور ہوتی جارہی ہیں لہٰذا وہ بالی ووڈ چھوڑ رہی ہیں۔

    This article originally appeared on ARY News

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.