• This topic is empty.
Viewing 1 post (of 1 total)

  • Author
    Posts
  • #12774
    Azam
    Moderator

    نیویارک: ڈیجیٹل کرنسی کے طور پر استعمال ہونے والی کرپٹو کرنسی بٹ کوائن کی قیمت نے ایک بار پھر نیا ریکارڈ قائم کرلیا۔

    بین الاقوامی میڈیا رپورٹ کے مطابق ایک بٹ کوائن کی قیمت 90 لاکھ پاکستانی روپے کے قریب پہنچ گئی جس کے بعد بٹ کوائن نے اپنا ریکارڈ توڑ کر نیا سنگِ میل عبور کرلیا۔

    دنیا بھر میں کرپٹو کرنسی کے طور پر استعمال ہونے والے ایک بٹ کوائن کی قیمت 89 لاکھ 54 ہزار روپے سے زائد ہوگئی، ایک ہفتے کے دوران ایشیائی تجارت میں بٹ کوائن استعمال کرنے میں تیزی آئی جس کی وجہ سے قیمت میں 18 فیصد اضافہ ہوا۔

    رپورٹ کے مطابق سال 2021 کے آغاز کے بعد سے اب تک بٹ کوائن کی قیمت میں 92 فیصد اضافہ ریکارڈ کیا گیا ہے۔

    معاشی تجزیہ کاروں کے مطابق بٹ کوائن کی قیمت میں اضافے کی وجہ سرمایہ کاروں اور معروف کمپنیوں کا اعتماد ہے کیونکہ ٹیسلا، ماسٹر کارڈ اور بی این وائی میلن جیسی کمپنیاں اب بٹ کوائن سے خرید و فروخت کررہی ہیں۔

    تجزیہ کاروں کا ماننا ہے کہ آنے والے دنوں میں بٹ کوائن کی قیمتوں میں بڑے پیمانے پر اتار چڑھاؤ ہوسکتا ہے، اسی وجہ سے لوگ ابھی بھی اس پر اعتبار نہیں کررہے۔ ماہرین نے اس اضافے کو غیر مستحکم قرار دیا ہے۔

    واضح رہے کہ گزشتہ دنوں معروف امریکی الیکٹرک کار کمپنی ٹیسلا نے ڈیڑھ ارب ڈالر مالیت کے بٹ کوائن خریدے تھے، جس کے بعد بٹ کوائن کی قیموں میں بے پناہ اضافہ ہوا، اور قیمت 38 ہزار ڈالرز سے سیدھا 46 ہزار ڈالرز تک پہنچ گئی تھی۔

    This article originally appeared on ARY News

     

     

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.