[Shaista KhanParticipant]

امریکا میں ایک مسلمان خاتون کو صرف اس بناء پر جہاز سے زبردستی اتار کر گرفتار کرلیا گیا کیونکہ ایک دوسرے مسافر نے شکایت کی تھی کہ وہ اس خاتون کی موجودگی میں بہتر محسوس نہیں کر رہا ۔یہ واقعہ امینی الختیتبہ نامی خاتون کے ساتھ پیش آیا ہے جو کہ ایک اردنی نژاد مریکی بلاگر اور سیاسی کارکن ہیں ۔ امینی نے ٹوئٹر پوسٹ میں بتایا کہ جب وہ نیو جرسی میں ایک ڈومیسٹک فلائٹ سے سفر کے لیے ائیرپورٹ پر سیکیورٹی کلیئرنس کرانے کے لیے قطار میں کھڑی تھیں تو ایک شخص نے قطار کو نظر انداز کرتے ہوئے میرے آگے اپنا سامان رکھ دیا۔

Our founder, Amani Al-Khatahtbeh, was arrested yesterday after being harassed by an American Airlines passenger and staff۔ This blatant Islaophobia should not be tolerated by anyone۔ @AmericanAir do better۔https://t۔co/hCIgz591e5

— Muslim Girl (@muslimgirl) November 15, 2020

خاتون کے مطابق جب میں نے اسے کہا کہ وہ بھی دیگر افراد کی طرح انتظار کرسکتا ہے تو اس نے ناگواری سے کہنا شروع کردیا کہ وہ دو بار چیکنگ کرا کر آیا ہے اور وہ فرسٹ کلاس میں سفر کرر رہا ہے۔

امینی کے مطابق یہ سب جانتے ہیں کہ اگر ایک با حجاب مسلمان عورت اس پر شور مچاتی اور احتجاج کرتی نا صرف مجھے گرفتار کرلیاجاتا بلکہ میری فلائٹ بھی چھوٹ جاتی ۔ خاتون کے مطابق اس وقت تو مجھے سیکیورٹی والوں نے کہا کہ اس معاملے کو ختم کرو اور جب میں جہاز میں سوار ہوئی تو مجھے وہاں سے جانے کے لیے کہہ دیا گیا۔ سوشل میڈیا پر بھی اس واقعے کی ویڈیو وائرل ہورہی ہے جس میں جہاز کا عملہ خاتون سے کہہ رہا ہے کہ وہ جہاز سے چلی جائے کیونکہ اس کی وجہ سے دوسرا مسافر اچھا محسوس نہیں کررہا ۔ تاہم خاتون کے انکار کرنے پر پولیس اہلکار جہاز میں داخل ہوئے اور خاتون کو زبردستی اتار کرلے گئے، جہاں اسے کچھ دیر حراست میں رکھنے کے بعد رہا کردیا گیا۔

امریکن اسلامک ریلیشن کونسل نے واقعے پر تشویش کا اظہار کرتے ہوئےکہا ہے کہ ائیرلائن اس واقعے کی وضاحت کرے اور معاملے کی مکمل تحقیقات کی جائیں۔

[Author]

Posts