Jirga Sports

  • This topic is empty.
Viewing 1 post (of 1 total)

  • Author
    Posts
  • #10577
    Syed Muhammad
    Moderator

    راولپنڈی (ویب ڈیسک) قومی ٹیم کے کپتان بابر اعظم نے رواں سال ٹی 20 انٹرنیشنل میچز میں ایک ہزار رنز مکمل کرکے ایک اور اعزاز اپنے نام کرلیا۔

    تفصیلات کے مطابق قومی ٹیم کے کپتان بابر اعظم نے زمبابوے کے خلاف کھیلے جانے والے پہلے ٹی 20 میچ میں 82 رنز کی اننگز کھیلی اور رواں سال ایک ہزار رنز بنانے کا اعزاز اپنے نام کرلیا۔

    ایپل دنیا کی تین بڑی کمپنیوں کی فہرست سے باہر

    بابر اعظم مسلسل دو سال میں ایک ہزار رنز بنانے والے پاکستان کے پہلے کھلاڑی بن گئے، بابر نے گزشتہ سال ٹی ٹوینٹی میں ایک ہزار 607 رنز بنائے تھے۔

    قومی ٹیم کے کپتان نے 2020 میں اب تک ایک ٹی ٹوئنٹی سنچری اور 9 نصف سنچریوں کی مدد سے 26 اننگز میں 1063 رنز بنائے ہیں جب کہ بھارت کے لوکیش راہول 993 رنز بناکر اس سال کی فہرست میں دوسرے نمبر پر ہیں۔

    شادی کن ممالک میں مشکل کام ہے اور کیوں؟

    بابر سے قبل شعیب ملک نے 3 مرتبہ سال میں ہزار رنز ضرور بنائے ہیں لیکن وہ مسلسل یہ کارنامہ انجام نہیں دے سکے، شعیب ملک نے سال 2014،2016 اور2019 میں ایک ایک ہزار رنز بنائے تھے۔

    ان کے علاوہ عمر اکمل، احمد شہزاد اور عمران نذیر بھی ایک ایک بار سال میں ہزار رنز بنانے کا کارنامہ انجام دے چکے ہیں جب کہ ویسٹ انڈیز کے کرس گیل نے 9 مرتبہ سال میں ایک ہزار ٹی ٹوئنٹی رنز بنانے کا کارنامہ انجام دیا ہے۔

    This article originally appeared on ARY News

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.