- This topic is empty.
-
Posts
-
Shahid Masood
نئی دہلی : بھارت میں مودی سرکار کی ناقص پالیسیوں اور روزگار کی عدم فراہمی کے باعث فاقہ کشی پر مجبور لوگ موت کو گلے لگانے پر مجبور ہوگئے۔
ریاست مہاراشٹر کے صنعتی شہر مالیگاؤں میں مسلسل چوتھی بار خود کشی کے واقعات پیش آئے ہیں، اسلام پورہ میں36 سالہ خالد احمد ولد شکیل احمد نامی نوجوان نے اپنے گھر کی چھت سے پھانسی کا پھندا لگا کر مبینہ طور پر خودکشی کرلی۔
اس ضمن میں پولیس نے ایک اور مقدمہ درج کرتے ہوئے واقعے کی تحقیقات کا آغاز کردیا ہے۔ مالیگاؤں میں جاری ہفتہ میں خودکشی کا یہ چوتھا واقعہ سامنے آیا ہے. لوگ مختلف وجوہات کے سبب اپنی زندگی کا خاتمہ کررہے ہیں۔
بھارتی میڈیا کے مطابق جمعہ کے دن شہر کے تمام پاورلومز بند ہوتے ہیں، چھٹی ہونے کی وجہ سے خالد احمد بھی گھر کے اوپری حصے میں آرام کررہے تھے۔
بعدازاں رات کے کھانے پر بلانے کیلئے چھوٹے بھائی کو جب کمرے کا دروازہ بند ملا تو انہوں نے کھڑکی کے ذریعے اندر جھانک کر دیکھا تو سامنےخالد احمد کی لاش جھولے کی رسی سے لٹکی ہوئی نظر آئی۔
اہل خانہ نے واقعے کی اطلاع فوری طور پر اہل محلہ اور پولیس کو دی اطلاع ملتے ہی عائشہ نگر پولیس نے جائے حادثہ پر پہنچ کر تفتیش شروع کردی اور لاش کو پوسٹ مارٹم کے لیے اسپتال روانہ کردیا۔
علاقہ مکینوں نے بتایا کہ رواں ہفتہ میں خودکشی کا یہ چوتھا واقعہ ہے اس سے قبل تین واقعہ شہری علاقے میں جب کہ ایک واقعہ مالیگاؤں کے مضافات میں پیش آیا۔
اس سلسلے میں قانونی کارروائی کے بعد لاش کو اہل خانہ کے حوالے کردیا گیا۔ بتایا جارہا ہے کہ خودکشی کرنے کی وجہ تنگدستی اور کئی دوسری وجوہات ہیں۔
This article originally appeared on ARY News
- You must be logged in to reply to this topic.
Comments are closed, but trackbacks and pingbacks are open.