Jirga Pakistan

Viewing 1 post (of 1 total)

  • Author
    Posts
  • #9849
    admin
    Keymaster

    وزیرخارجہ شاہ محمود قریشی نے حکومت کے اس عزم کا اعادہ کیا ہے کہ یورپ سمیت بیرون ملک مقیم پاکستانیوں کے مسائل ترجیحی بنیادوں پرحل کئے جائیں گے۔

     وہ آج اسلام آباد میں یورپی یونین پاکستان فرینڈ شپ فیڈریشن کےچیئرمین چودھری پرویزاقبال لوسر سے گفتگو کررہے تھے۔

    شاہ محمود قریشی نے کہا کہ بیرون ملک مقیم پاکستانی ہمارا قیمتی اثاثہ ہیں جنہوں نے کوروناوائرس کی وبا سمیت ہر مشکل وقت میں کھلے دل سے پاکستان کی مدد کی ہے۔

    شاہ محمود قریشی نے کہاکہ پاکستان نے غیرملکی سرمایہ کاروں کو ملک میں سرمایہ کاری کے مواقع اور حکومت کی کاروبار دوست پالیسیوں سے آگاہ کرنے کےلئے اقتصادی سفارتکاری کا آغاز کیا ہے۔ انہوں نے کہاکہ ہماری اقتصادی پالیسیوں کے باعث متعدد یورپی ملک پاکستان میں سرمایہ کاری کے خواہاں ہیں۔

    وزیر خارجہ نے کہا ہے کہ ہم کوروناوائرس کے مضر اثرات سے نمٹنے کےلئے درآمدات بہتر بنانے کی انتھک کوششیں کررہےہیں۔

Viewing 1 post (of 1 total)
  • You must be logged in to reply to this topic.