Jirga Pakistan

  • This topic is empty.
Viewing 1 post (of 1 total)

  • Author
    Posts
  • #13911
    Zaid
    Moderator

    اسلام آباد: صدر مملکت ڈاکٹر عارف علوی کا کہنا ہے کہ تحریک لبیک سیاسی جماعت ہے، اس پر پابندی لگانے کا فیصلہ وزیراعظم اور وفاقی کابینہ کا ہے۔

    اے آر وائی نیوز کے پروگرام ’دی رپورٹرز‘ میں گفتگو کرتے ہوئے صدر مملکت ڈاکٹر عارف علوی کا کہنا تھا کہ تحریک لبیک سیاسی جماعت ہے، اس پر پاگندی لگانے کا فیصلہ وزیراعظم اور وفاقی کابینہ کا ہے.

    انہوں نے کہا کہ احتیاط کرنا ہوگی، چنگاری کو آگ میں نہیں بدلنا چاہیے، تشدد کا راستہ اپنانے سے ہماری ہی عوام کا نقصان ہورہا ہے، ایسا راستہ اپنانا چاہیے جس سے واضح پیغام جائے۔

    صدر مملکت نے کہا کہ ٹی ایل پی کو کہا ڈائریکشن طے کرلیتے ہیں حتمی فیصلہ اسمبلی کرے گی، میں نہیں سمجھتا کہ صورت حال ہاتھ سے نکلی ہے، ہم چاہتے ہیں کہ ایسا کام ہو جس سے قوم مطمئن بھی ہو۔

    پاکستان ڈیموکریٹک موومنٹ (پی ڈی ایم) کے حوالے سے بات کرتے ہوئے ڈاکٹر عارف علوی کا کہنا تھا کہ پی ڈی ایم میں سب اپنے اپنے مفاد کے لیے کھیلے، پی ڈی ایم میں سب سے زیادہ فائدہ مولانا فضل الرحمان کو ملا جن کی اسمبلی میں موجودگی نہیں تھی۔

    انہوں نے کہا کہ حکومت میں آنے سے پہلے سب چیزوں کو آسان سمجھتا تھا، ہر ادارے، ہر چیز میں مافیا ہے جنھیں کنٹرول کرنا ہو گا، 2018 تک یہ مافیا آگے جا رہے تھے ہم نے کنٹرول کرنا شروع کیا، جہانگیر ترین کی پی ٹی آئی سے مخالفت نہیں، وہ شفاف تحقیقات چاہتے ہیں۔

    ان کا کہنا تھا کہ ناموس رسالت ﷺ کے معاملے پر قوم میں کوئی دو رائے نہیں، دنیا میں اسلامو فوبیا کے خلاف سب سے مؤثر آواز اٹھانے والا عمران خان ہے۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.