Jirga Pakistan

  • This topic is empty.
Viewing 1 post (of 1 total)

  • Author
    Posts
  • #12342
    Zaid
    Moderator

    حکومت نے بدعنوان عناصر سے 541 ارب روپے سے زائد واگزار کرائے ہیں اور بیرون ملک سے لوٹی ہوئی اربوں روپے کی رقم واپس لانے کیلئے کوششیں جاری ہیں۔

    یہ بات وزیر سائنس و ٹیکنالوجی چوہدری فواد حسین نے آج شام اسلام آباد میں مشیر برائے احتساب اورداخلہ مرزا شہزاد اکبر کے ہمراہ صحافیوں سے گفتگو کرتے ہوئے کہی۔

    انہوں نے کہا کہ حکومت نے براڈشیٹ معاملے کی تحقیقات کیلئے انکوائری کمیشن تشکیل دیا ہے اور اس کی تحقیقات کی روشنی میں ضروری کارروائی کی جائے گی۔

    اس موقع پر مرزا شہزاداکبر نے کہا کہ حکومت نے صرف پنجاب میں قبضہ مافیا سے 200 ارب روپے مالیت کی 8700 کنال سے زائد اراضی واگزار کرائی ہے جن میں اکثریت سیاستدانوں کی ہے۔ انہوں نے کہا کہ ان زمینوں پر مختلف سیاستدانوں یا قبضہ مافیا نے بدعنوان عناصر کی مدد سے قبضہ کر رکھا تھا۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.