• This topic is empty.
Viewing 1 post (of 1 total)

  • Author
    Posts
  • #12370
    Syed Muhammad
    Moderator

    مکہ مکرمہ،گزشتہ شب خانہ کعبہ کے عین اوپر چاند کے نمودار ہونے سے پُرنور ماحول کی دلکشی میں مزید اضافہ ہو گیا اور فرزندگان توحید کی زبانوں پر بے ساختہ سبحان اللہ کا ورد جاری ہوگیا۔

    سعودی میڈیا کے مطابق گزشتہ شب 10 بج کر 16 منٹ پر چاند اپنی پوری آب و تاب کے ساتھ خانہ کعبہ کے اوپر جگمگا رہا تھا۔ یہ منظر گزشتہ برس مارچ کے بعد پہلی بار دیکھا گیا۔ دل لبھانے والے اس منظر نے سب کو مبہوت کرکے رکھ دیا۔

     ایک طرف خالق کا گھر اور دوسری جانب خالق کی حسین ترین تخلیق چاند کا یوں سجدہ ریز کا ہونے کا منظر انمول و نادر تھا۔ اس منظر کو دیکھنے والوں نے اپنے رب کی ثنا بیان کی اور بے اختیار سبحان اللہ کا ورد زبانوں پر جاری ہوگیا۔

    یہی چاند جب مدینہ منورہ میں مسجد نبوی کے اوپر سے گزرا تو بلند میناروں کو چومنے کے مناظر نے خدا کی محبوبیت کا یقین دلادیا ۔ یہ تصاویر دیکھتے ہی دیکھتے سوشل میڈیا پر وائرل ہوگئیں۔

    ماہرین فلکیات کے مطابق چاند کعبہ شریف کے عین اوپر عمودی شکل میں دکھائی دیا، چاند کے عین کعبہ شریف کے اوپر دکھائی دینے سے قبلے کا رخ متعین کرنے میں آسانی ہوتی ہے۔ رواں سال میں پورے چاند کے خانہ کعبہ اوپر نمودار ہونے کا یہ پہلا واقعہ تھا۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.