Jirga South Asia

  • This topic is empty.
Viewing 1 post (of 1 total)

  • Author
    Posts
  • #18560
    Shahid Masood
    Participant

    پاکستان نے بھارت کے غیرقانونی زیر قبضہ جموں و کشمیر میں بھارتی فوج کے ہاتھوں مزید چھ کشمیریوں کے ماورائے عدالت قتل کی شدید مذمت کی ہے۔

    دفترخارجہ کے ترجمان نے آج جاری کیے گئے ایک بیان میں کہا کہ اس ماہ کے دوران بھارتی فوج اب تک کم از کم اٹھارہ کشمیریوں کو شہید کرچکی ہے۔ ترجمان نے کہا کہ شہدا کے جسد خاکی کی تدفین ان کے خاندانوں کی مرضی اور موجودگی کے بغیر نامعلوم مقامات پر کرنا، بھارتیہ جنتا پارٹی کی حکومت کے سفاکانہ طرزعمل اوراخلاقی دیوالیہ پن کا مظہر ہے۔ترجمان نے کہا کہ بھارت کو یہ بات معلوم ہونی چاہیے کہ کسی بھی قسم کا ظلم و ستم اور طاقت کا استعمال کشمیری عوام کے عزم کو متزلزل نہیں کرسکتا جواپنے ناقابل تنسیخ حق خودارادیت کیلئے بھرپور جدوجہد کررہے ہیں جسے اقوام متحدہ کی سلامتی کونسل کی قرار دادوں میں تسلیم کیا گیا ہے۔ترجمان نے عالمی برادری سے پاکستان کے اس مطالبے کا اعادہ کیا کہ وہ مقبوضہ جموں و کشمیر میں انسانی حقوق اور عالمی قوانین کی سنگین اور منظم خلاف ورزیوں پر بھارت کا احتساب کرے۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.