• This topic has 0 replies, 1 voice, and was last updated 1 week, 4 days ago by Syed Muhammad.
Viewing 1 post (of 1 total)

  • Author
    Posts
  • #8394
    Syed Muhammad
    Moderator

    ویب ڈیسک — سعودی عرب کے 84 سالہ بادشاہ سلمان بن عبدالعزیز اسپتال میں داخل ہیں جہاں آپریشن کرکے ان کا پتا نکال دیا گیا ہے۔

    خادم حرمین شریفین کے نام سے یاد کیے جانے والے سعودی بادشاہ کو پتے میں سوزش کی شکایت پر پیر کو اسپتال میں داخل کیا گیا تھا۔ سرکاری خبر رساں ادارے، ایس پی اے کے مطابق اسپتال میں مزید چند دن ان کی دیکھ بھال کی جائے گی۔

    شاہ سلمان بن عبدالعزیز 2015 میں اپنے بھائی شاہ عبداللہ کے انتقال کے بعد سعودی عرب کے حکمران بنے تھے۔ اس سے پہلے وہ ڈھائی سال تک ولی عہد اور پچاس سال تک ریاض کے گورنر رہے تھے۔

    شاہ سلمان نے منگل کو اسپتال سے ویڈیو لنک پر کابینہ اجلاس کی صدارت کی تھی۔ ایک ویڈیو میں دیکھا جاسکتا ہے کہ وہ ایک ڈیسک کے پیچھے بیٹھے دستاویزات کا معائنہ کررہے ہیں۔

    امریکہ کے صدر ڈونلڈ ٹرمپ نے ولی عہد محمد بن سلمان کو جمعرات کو فون کیا اور ان کے والد کی خیریت دریافت کی۔ صدر ٹرمپ نے شاہ سلمان کی جلد صحت یابی کے لیے نیک خواہشات کا اظہار کیا۔ ایس پی اے کے مطابق، دونوں رہنماؤں نے علاقائی اور عالمی امور پر بھی تبادلہ خیال کیا۔

    This article originally appeared on VOA Urdu

Viewing 1 post (of 1 total)
  • You must be logged in to reply to this topic.