Jirga Pakistan

  • This topic is empty.
Viewing 1 post (of 1 total)

  • Author
    Posts
  • #11127
    Syed Muhammad
    Moderator

    پاکستان نے عالمی برادری اقوام متحدہ اور متعلقہ بین الاقوامی تنظیموں پر زور دیا ہے کہ بھارت میں انتہا پسند ہندو توا حکومت کے ہاتھوں اسلامی ثقافتی مقامات کو محفوظ بنانے میں کردار ادا کریں۔

    دفتر خارجہ کے ترجمان زاہد حفیظ چوہدری نے آج تاریخی بابری مسجد کی شہادت کے اٹھائیس برس مکمل ہونے پر بھارت پر زور دیا کہ اقلیتوں خاص طور سے مسلمانوں اور ان کی عبادت گاہوں کے تحفظ اور سلامتی کو یقینی بنایا جائے۔

    انہوں نے کہا کہ گزشتہ سال بابری مسجد کیس میں بھارتی سپریم کورٹ کا ادھورا فیصلہ نہ صرف انصاف کی بجائے مذہبی تعصب بلکہ آج کے بھارت میں بڑھتی ہوئی اکثریت پسندی کو ظاہر کرتا ہے۔

    انہوں نے کہا کہ1992ء میں تاریخی بابری مسجد کو مسمار کرنے والے مجرموں کی حالیہ بریت کا شرمناک فیصلہ نا انصافی کی ایک اور بدترین مثال ہے۔

    ترجمان نے کہا کہ نئے ہندو توا نظریے پر قائم بی جی پی حکومت بھارت کو ہندو راشٹرا میں تبدیل کر رہی ہے جو کہ دنیا کی نام نہاد جمہوریت کے منہ پر طمانچہ ہے۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.