Jirga Sports

  • This topic is empty.
Viewing 1 post (of 1 total)

  • Author
    Posts
  • #11898
    Syed Muhammad
    Moderator

    ویب ڈیسک — آسٹریلیا سے تعلق رکھنے والی کلیئر پولوساک مردوں کے کرکٹ ٹیسٹ مقابلے میں فرائض انجام دینے والی پہلی خاتون امپائر بن گئی ہیں۔

    جمعرات کو انہوں نے آسٹریلیا اور بھارت کے درمیان ہونے والے میچ میں چوتھے امپائر کی حیثیت سے فرائض انجام دیے۔

    ٹیسٹ میچ میں چوتھے امپائرکے فرائض میں پچ کی تیاری اور سامان کی تبدیلی کے ساتھ ساتھ فیلڈ امپائروں کی مدد کرنا شامل ہے۔

    انگین آلتان نے پاکستانی نجی فرم سے معاہدہ منسوخ کر دیا

    پولوساک پہلی خاتون تھیں جنہوں نے مردوں کے ون ڈے انٹرنیشنل میں فیلڈ میں اس وقت فرائض انجام دیے تھے جب نمیبیا نے اپریل 2019 میں ونڈووک میں عمان کی میزبانی کی تھی۔

    تاہم کلیئر پولوساک کی سڈنی کرکٹ گراؤنڈ میں خدمات کا آغاز اس وقت تک محدود رہے گا جب تک کہ ان کے ساتھی امپائرز میں سے کوئی ایک گراؤنڈ میں کسی سبب اپنے فرائض کی انجام دہی سے قاصر ہو۔

    کرونا وائرس کی وجہ سے سخت سفری پابندیوں کے نتیجے میں بھارت کے مقابل چار میچوں کی سیریز کے لیے امپائرنگ ٹیم کو خصوصی حیثیت حاصل ہو گئی ہے۔ 32 سالہ پولوساک نے 2017 میں نیو ساؤتھ ویلز اور کرکٹ آسٹریلیا الیون کے درمیان اپنی ہی سرزمین پر ہونے والے ایک روزہ میچ کے دوران پہلی خاتون ایمپائر کے طور پر ذمہ داریاں نبھائی تھیں۔

    This article originally appeared on VOA Urdu

    Photo: ICC/Official (Twitter)

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.