• This topic is empty.
Viewing 1 post (of 1 total)

  • Author
    Posts
  • #12584
    Shahid Masood
    Participant

    واشنگٹن: امریکہ نے میانمار میں فوجی حکومت قائم کرنے والوں پر نئی پابندیاں عائد کرنے کا حکم جاری کردیا ہے۔ امریکہ کی جانب سے پہلے ہی پابندیاں عائد کرنے کا عندیہ دیا گیا تھا۔

    عالمی خبر رساں ایجنسی کے مطابق امریکی صدر جوبائیڈن نے کہا ہے کہ وہ ایک حکمنامہ جاری کررہے ہیں جس کے نتیجے میں میانمار میں فوجی بغاوت کرنے والے جرنیلوں کو امریکہ میں موجود ایک ارب ڈالرز کے اثاثوں تک رسائی حاصل نہیں ہو سکے گی۔

    خبر رساں ایجنسی کے مطابق امریکی صدر جوبائیڈن نے اس بات کا بھی واضح طور پر عندیہ دیا کہ وہ اس سلسلے میں مزید اقدامات بھی کر رہے ہیں۔

    امریکی صدر جوبائیڈن نے کہا ہے کہ فوج کو اقتدار سے علیحدہ ہونا چاہیے اور برما کے عوام کی مرضی کا احترام کرنا چاہیے۔

    میانمار میں ہونے والی فوجی بغاوت کے بعد سے لاکھوں افراد سڑکوں پر ہیں اور وہ فوجی بغاوت کے خلاف مظاہرے و احتجاج کررہے ہیں۔

    میانمار کی فوج نے گزشتہ ہفتے تصدیق کی تھی کہ اس نے ملک کا کنٹرول سنبھال لیا ہے۔ فوج کی جانب سے کہا گیا تھا کہ نیشنل لیگ آف ڈیموکریسی کی رہنما آنگ سان سوچی سمیت دیگر رہنماؤں کو حراست میں لے لیا ہے۔

    میانمار کی فوج کی جانب سے جاری کردہ بیان میں یہ بھی کہا گیا تھا کہ اس نے ملک میں آئندہ ایک سال کے لیے ہنگامی حالت نافذ کردی ہے۔

    This article originally appeared on Hum News

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.