Jirga Pakistan

  • This topic is empty.
Viewing 1 post (of 1 total)

  • Author
    Posts
  • #11132
    Zaid
    Moderator

     اسلام آباد (ویب ڈیسک): ڈپٹی چیئرمین سینیٹ سلیم مانڈی والا کا کہنا ہے کہ میں نیب کو نہ صرف پاکستان بلکہ پوری دنیا میں بلیک لسٹ کراؤں گا۔

    ایکسپریس نیوز کے مطابق  اسلام آباد میں پریس کانفرنس کرتے ہوئے ڈپٹی چیئرمین سینیٹ سلیم مانڈی والا کا کہنا تھا کہ نیب نے دو دن پہلے نیا بیانیہ جاری کردیا اور پہلے والے بیانیہ سے ہٹ گیا ہے، لوگ نیب پر ہنس رہے ہیں اور یہ ادارہ بدنام ہورہا ہے، اب اس ادارے کی عزت نہ عدلیہ میں ہے اور نہ ہی کسی اور ادارے کے سامنے۔

    بیوی سے جھگڑا، سفاک باپ نے 5 بچوں‌ کو نہر میں‌ پھینک کر مار ڈالا، ملزم گرفتار

    سلیم مانڈی والا کا کہنا تھا کہ نیب جس کو مرضی گرفتار کرے کوئی فرق نہیں پڑتا، میں نے وزیراعظم کو نیب سے متعلق خط لکھا ہے، آرمی چیف کو بھی خط بھیجوں گا، نیب کو ہر جگہ نے نقاب کریں گے، نیب ملازمین کی ڈگریاں چیک کرائیں گے، یہ بے نامی کام کرتے ہیں، اب نیب اور میری جنگ نہیں بلکہ نیب اور پورے پاکستان کی جنگ ہے، نیب کو نہ صرف پاکستان بلکہ پوری دنیا میں بلیک لسٹ کراؤں گا۔

    امریکا نے چین کیساتھ ایکسچینج پروگرام معطل کردیا

    ڈپٹی چیئرمین سینیٹ نے کہا کہ لوگوں نے مجھے کالز کیں کہ آپ نیب کے خلاف جہاد کررہے ہیں، سینیٹ اجلاس بلانے کے لیے ریکوزیشن تیار کرلی ہے، ہر حال میں اجلاس بلائیں گے، متاثرین کو سنیٹ میں بلائیں گے، ہم نیب کی طرح چھپے کمرے میں تحقیقات نہیں کریں گے، متاثرین نیب سے سلوک سب کے سامنے سنیٹ کمیٹیوں میں بتائیں گے، سنیٹ نیب کے ذرائع آمدن چیک کرے گا، نیب کا احتساب ہوگا، میں تمام سفرا اور ممبران پارلیمان سے ملاقات کروں گا، حکومت و اپوزیشن کے ساتھ ملکر نیب کی طاقت میں کمی کے لیے قانون سازی کی کوشش کروں گا۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.