• This topic is empty.
Viewing 1 post (of 1 total)

  • Author
    Posts
  • #12011
    Azam
    Moderator

    نیویارک : واٹس ایپ کی نئی پرائیویسی پالیسی پر شدید تنقید کےبعد سربراہ ول کیتھ کارٹ نے وضاحت پیش کردی ہے۔

    تفصیلات کےمطابق واٹس ایپ کے سربراہ ول کیتھ کارٹ نے سماجی رابطوں کی ویب سائٹ ٹویٹر پر شئیر اپنے ایک پیغام میں کہا ہےکہ واٹس ایپ کی نئی پالیسی سے صارفین متاثر نہیں ہوں گے ، نہ ہی ان کا ڈیٹا کسی کو فراہم کیا جائیگا۔ انہوں نے کہا کہ اینڈ ٹو اینڈ انکرپشن کے باعث واٹس ایپ اور فیس بک  نجی پیغامات یا کالز کو نہیں دیکھ سکتے ، جبکہ وہ ٹیکنالوجی کی فراہمی اور عالمی سطح پر اس کے دفاع کے لیے پر عزم ہیں ۔

    طیب اردوان کی میڈیا ٹیم کا واٹس ایپ کا استعمال ترک کرنے کا اعلان

    ول کیتھ کا مزید کہناتھا کہ کہ انہوں نے اپنی پالیسی کو شفافیت کے لیے اپ ڈیٹ کیا ہے اور اس میں پیپ ٹو بزنس آپشنل فیچرز کی بہتر وضاحت کی گئی ہے ،

    ان کا کہناتھاکہ ہم نے اس پالیسی کا اکتوبر میں تحریر کردیا تھا۔ جس میں واٹس ایپ میں موجود کامرس کو بھی شامل کیا تھا، واٹس ایپ کے سربراہ نے ٹویٹر پیغام میں تحریر کیا کہ ہر ایک کو شاید علم نہیں کہ متعدد ممالک میں کاروباری اداروں کے واٹس ایپ پیغامات کتنے عام ہیں ، درحقیقت روزانہ سترہ کروڑ سے زیادہ افراد کسی ایک بزنس اکاؤنٹ سے میسج کرتے ہیں اور متعدد ایسا کرنا چاہتے ہیں  ۔

    واضح رہے کہ واٹس ایپ نے اپنی پالیسی میں تبدیلی لاتے ہوئے صارفین کو آٹھ فروری تک نئی اپ ڈیٹس بھیجنا شروع کی ہیں ،جو آٹھ فروری تک اس قبول نہیں کرے گا اس کا اکاؤنٹ ڈیلیٹ کردیا جائیگا۔

    This article originally appeared on Neo News

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.