Viewing 1 post (of 1 total)

  • Author
    Posts
  • #9928
    Shaista Khan
    Participant

    اسلام آباد : وزیراعظم عمران خان نے فیس بک کی چیف آپریٹنگ آفیسر شیرل سینڈبرگ سے ورچوئل ملاقات میں پاکستان میں فیس بک کی سرمایہ کاری اور مختلف پروگراموں کا خیرمقدم کرتے ہوئے بڑھتی ہوئی آن لائن نفرت اور انتہا پسندی پر تشویش کا اظہار کیا۔

    تفصیلات کے مطابق وزیراعظم عمران خان کی فیس بک کی چیف آپریٹنگ آفیسر شیرل سینڈبرگ سے ورچوئل ملاقات ہوئی ، جس میں فیس بک کی سرمایہ کاری، ڈیجیٹل خواندگی اور دیگر اقدامات پر تبادلہ خیال کیا گیا۔

    ملاقات میں عمران خان نے پاکستان میں فیس بک کی سرمایہ کاری اور مختلف پروگراموں کا خیرمقدم کرتے ہوئے نوجوانوں اور کاروباری افراد کو مواقع فراہم کرنے میں فیس بک کے کردار کی تعریف کی۔

    انہوں نے کہا فیس بک جیسے ڈیجیٹل پلیٹ فارم پاکستانی نوجوانوں اور کاروباری افراد کو عالمی مواقع فراہم کرنے میں کردار ادا کرسکتے ہیں اور روزگار کے مواقع پیدا کرنے سے لوگوں کو غربت سے نکالا جاسکتا ہے۔

    عمران خان نےبڑھتی ہوئی آن لائن نفرت اور انتہا پسندی کے عالمی عروج پر بھی تشویش کا اظہار کرتے ہوئے آن لائن نفرت انگیز مواد کو روکنا بڑا چیلنج قرار دیا جبکہ دونوں نے فیس بک کی رابطے کی سرمایہ کاری اور تحقیقی گرانٹ پر بھی تبادلہ خیال کیا۔

    چیف آپریٹنگ آفیسر فیس بک نے بتایا فیس بک کی خون عطیہ کرنے والی مہم کے آغاز سے اب تک 5 ملین سے زیادہ پاکستانیوں نے سائن اپ کیا ہے اور ساتھ ہی ساتھ پولیو سے پاک پاکستان کے حکومت کے مقصد کے لئے فیس بک کی مکمل حمایت شامل ہے۔

    وزیراعظم اور چیف آپریٹنگ آفیسر فیس بک شرل سینڈبرگ نے 6700 خواتین کے ٹریننگ پروگرام فیس بک کے شی مینس بزنس پروگرام کے بارے میں بھی بات کی۔

Viewing 1 post (of 1 total)
  • You must be logged in to reply to this topic.