Jirga Pakistan

  • This topic is empty.
Viewing 1 post (of 1 total)

  • Author
    Posts
  • #12431
    Zaid
    Moderator

    وزیراعظم عمران خان کے زیر صدارت پیر کے روز اسلام آباد میں ایک اجلاس میں بلوچستان کے کاشتکاروں کو سہولتیں فراہم کرنے کی غرض سے صوبے میں ٹیوب ویلز کو شمسی توانائی پر منتقل کرنے کی منظوری دی گئی۔

    وزیراعظم نے توانائی ڈویژن اور صوبائی حکومت کو ہدایت کی کہ وہ مقررہ نظام الاوقات میں ٹیوب ویلز کو شمسی توانائی پر منتقل کرنے کے منصوبے کے آغاز کے لئے ایک جامع منصوبہ تیار کریں۔

    منصوبے سے کسانوں کو بجلی کی بلاتعطل فراہمی یقینی بنانے میں مدد ملے گی اور بجلی کے شعبے میں لاسز کا مسئلہ بھی حل کیا جاسکے گا۔

    وزیراعظم نے کہا کہ بلوچستان سمیت ملک بھر کے لوگ بجلی کے ضیاع کے مسئلے کو برداشت کررہے ہیں انہوں نے اس مسئلے کو ترجیحی بنیادوں پر حل کرنے کی ہدایت کی۔

    عمران خان نے کہا کہ سبسڈی کا موثر اور موزوں استعمال حکومت کی اولین ترجیح ہے۔

    اجلاس میں دوسروں کے علاوہ بلوچستان کے وزیراعلی جام کمال بھی شریک تھے۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.