- This topic is empty.
-
Posts
-
Zaid
وزیرخارجہ شاہ محمود قریشی نے امن عمل کو آگے بڑھانے کیلئے افغانستان میں تشدد میں کمی اور جنگ بندی کیلئے پاکستان کی خواہش کا اظہار کیا ہے۔
بدھ کے روز اسلام آباد میں طالبان کے وفد کے ساتھ مذاکرات کے بعد وزیرخارجہ نے کہا کہ اس حوالے سے تمام فریقوں پر ذمہ داری عائد ہوتی ہے۔
انہوں نے کہا کہ آج مذاکرات کے دوران طالبان وفد نے امن کیلئے خواہش اور سنجیدگی کا اظہار کیا۔
وزیرخارجہ نے کہا کہ طالبان وفد نے افغانستان میں امن اور استحکام کیلئے پاکستان کی کوششوں کا اعتراف کیا۔
پرتشدد لڑائی کا حوالہ دیتے ہوئے جس نے نہ صرف افغانستان بلکہ پاکستان اور خطے کو بھی متاثر کیا انہوں نے کہا کہ یہ افغان متحارب فریقوں کیلئے ایک تاریخی موقع ہے کہ وہ معاملات کو پرامن حل کی جانب لے جائیں۔
شاہ محمود قریشی نے کہا کہ افغان حریفوں کے درمیان مذاکرات کا اگلا دور آئندہ ماہ کی پندرہ تاریخ کو ہوگا۔
- You must be logged in to reply to this topic.
Comments are closed, but trackbacks and pingbacks are open.