• This topic is empty.
Viewing 1 post (of 1 total)

  • Author
    Posts
  • #12242
    Shaista Khan
    Participant

    مالک کی بیٹی نے کئی مرتبہ کتے کو گھر لے جانے کی کوشش کی لیکن وہ بھاگ کر دوبارہ ہسپتال پہنچ جاتا تھا۔ (فوٹو: ٹوئٹر استنبولسٹ)

    انسانوں کے ساتھ کتوں کی وفاداری کے حوالے سے آپ نے کئی قصے سنے ہوں گے۔ ایسا ہی ایک واقعہ ترکی میں پیش آیا جب کتے کے مالک کو ہسپتال پہنچایا گیا اور کتا ایک ہفتے تک باہر بیٹھا اپنے مالک کے تندرست ہونے کا انتظار کرتا رہا۔

    امریکی نیوز چینل سی این این کے مطابق بونکوک نامی اس کتے کے مالک سیمل سینترک کو دماغی مرض کے باعث ہسپتال لے جایا گیا تھا۔

     

     

    سیمل سینترک کو 14 جنوری کو ہسپتال منتقل کیا گیا اور کتا ایمبولینس کے پیچھا کرتا ہوا ہسپتال پہنچا۔ اس دوران ہسپتال کا عملہ کتے کو کھانا کھلاتا رہا۔

    ہسپتال کے کمیونیکیشن ڈائریکٹر نے کہا کہ ’یہ کتا کسی کو نقصان نہیں پہنچاتا۔ ہر کسی نے کتے اور اس کے مالک کے درمیان تعلق کا نوٹس لیا۔ اس نے سب کو خوش کردیا۔‘

    اسپتال کی سیکیورٹی پر مامور محافظ محمد اکدینز نے مقامی میڈیا کو بتایا کہ یہ کتا روزانہ صبح نو بجے اسپتال کے باہر پہنچ جاتا تھا اور رات تک یہاں موجود رہتا تھا۔ البتہ اس نے کبھی اسپتال کے اندر داخل ہونے کی کوشش نہیں کی۔

    ان کا مزید کہنا تھا کہ جب بھی اسپتال کے شیشوں کا خود کار مرکزی دروازہ کھلتا تو یہ کتا سر اندر کر کے اسپتال کے اندر جھانکنے کی کوشش کرتا تھا۔

    سیمل سینترک کی بیٹی نے کئی مرتبہ کتے کو گھر لے جانے کی کوشش کی لیکن وہ بھاگ کر دوبارہ ہسپتال آ جاتا تھا۔

    جب سیمل سینترک کو ہسپتال سے ڈسچارج کیا گیا تو کتا خوشی سے اس کی وہیل چیئر کے گرد چھلانگیں لگاتا رہا۔

    اس موقعے پر سیمل سینترک کا کہنا تھا کہ ’یہ کتا انسانوں ہی کی طرح ہمارے بہت قریب ہے۔ یہ آپ کو خوش رکھتا ہے۔‘

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.