- This topic is empty.
-
Posts
-
Azam
اسلام آباد: وفاقی حکومت نے روسی ویکسین سپوتنک فائیو کو پاکستان میں ہنگامی حالات میں استعمال کرنے کی اجازت دیدی ہے۔ یہ ویکسین وبا کیخلاف 92 فیصد تک موثر ہے اور اسے منفی 18 پر سٹور کرنا لازمی ہے۔
حکام وزارت صحت کا کہنا ہے کہ روسی ویکسین کے استعمال کی اجازت ڈرگ ریگولیٹری اتھارٹی آف پاکستان کے رجسٹریشن بورڈ کی جانب سے دی گئی ہے۔
حکام نے بتایا کہ ویکسین منگوانے کی اجازت مقامی دوا ساز ادارے اے جی پی فارما سیوٹیکل کمپنی لمیٹڈ کو دی گئی ہے۔
پاکستان میں اب تک مختلف ممالک کی تین ویکسینزکو ہنگامی حالات میں استعمال کی اجازت دی گئی ہے جن میں چینی کمپنی سائنو فارم کی ویکسین، برطانوی کمپنی ایسٹرا زینیکا کی ویکسین اور روسی ویکسین اسپوٹنک شامل ہیں۔
طبی ماہرین کا کہنا ہے کہ ویکسین کورونا وبا کے خلاف 92 فیصد موثر ہے۔
اے جی پی کے مطابق 50 ہزار خوراکوں پر مشتمل پہلی کھیپ اسی مہینے پاکستان پہنچ جائے گی، روسی ویکسین کو منفی 18 ڈگری پراسٹور کرنا لازمی ہے۔
دوسری جانب ماہرین کا کہنا ہے کہ روسی ویکسین بھارت کے مقابلے میں پاکستان میں دگنی قیمت پر مہیا کیے جانے کا خدشہ ہے۔
پاکستان میں ویکسین کو سنبھالنے اور محفوظ رکھنے کے لئے کیا طریقہ کار ہوگا؟@nhsrcofficial @fslsltn #PakistanToGetVaccine pic.twitter.com/woEDQRmTEQ
— Government of Pakistan (@GovtofPakistan) January 22, 2021
- You must be logged in to reply to this topic.
Comments are closed, but trackbacks and pingbacks are open.