› Jirga › Sports

  • This topic is empty.
Viewing 1 post (of 1 total)

  • Author
    Posts
  • February 8, 2021 at 9:30 pm #12549
    Syed Muhammad
    Moderator

    راولپنڈی میں پیر  کے روز پاکستان نے جنوبی افریقہ کو دوسرے کرکٹ ٹیسٹ میچ میں95 رنزسے ہرا کر دوٹیسٹ میچوں کی سیریز میں وائٹ واش کر دیا۔

    پاکستان نے ٹاس جیت کر پہلے بیٹنگ کا فیصلہ کیا تھا اور فہیم اشرف اور بابر اعظم کی نصف سنچریوں کی بدولت پہلی اننگز میں 272 رنز بنائے تھے۔

    اس کے جواب میں حسن علی کی پانچ وکٹوں کی عمدہ کارکردگی کے سبب جنوبی افریقہ کی ٹیم پہلی اننگز میں 201 رنز بنا کر آؤٹ ہو گئی تھی اور پاکستان نے پہلی اننگز میں 71 رنز کی برتری حاصل کی تھی۔

    دوسری اننگز میں پاکستان کی ٹیم 143 رنز پر 7 وکٹیں کھو چکی تھی لیکن محمد رضوان نے عمدہ سنچری بنا کر پاکستان کو 298 کے مجموعے تک رسائی دلائی تھی اور جنوبی افریقہ کو میچ میں فتح کے لیے 370 رنز کا ہدف دیا تھا۔

    ایڈن مرکرم کی سنچری کے باوجود جنوبی افریقہ کی ٹیم 274 رنز پر ڈھیر ہو گئی اور پاکستان نے میچ میں 95 رنز سے کامیاب حاصل کر لی۔

    راولپنڈی ٹیسٹ میں پاکستان کے فاسٹ بولرز کا راج رہا، حسن علی نے ذمہ دارانہ بولنگ کا مظاہرہ کرتے ہوئے دونوں اننگز میں 5،5 وکٹیں حاصل کیں، شاہین آفریدی نے پہلی اننگز میں 1،دوسری اننگزمیں4 وکٹیں جبکہ حسن علی نے پہلی بارٹیسٹ میچ میں 10 وکٹیں لیں۔

    بابر اعظم کی قیادت میں قومی ٹیم نے پہلی ٹیسٹ سیریزمیں کامیابی حاصل کی۔

    محمد رضوان سیریز کے بہترین کھلاڑی قرار دیئے گئے جبکہ حسن علی کو مین آف دی میچ کا ایواڈ دیا گیا۔

    دوسری جانب وفاقی وزیر اطلاعات شبلی فراز نے پاکستان کرکٹ ٹیم کو جنوبی افریقہ کیخلاف ٹیسٹ سیریز جیتنے پر مبارکباد دی۔

  • Author
    Posts
Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.