• This topic is empty.
Viewing 1 post (of 1 total)

  • Author
    Posts
  • #12137
    Aliya Sultan
    Participant

    ریاض: سعودی عرب کے ایک شہری کو پہلی بیوی کے نام پر بینک سے قرض لے کر دوسری شادی کرنا مہنگا پڑ گیا۔

    ہم نیوز نے ایک خلیجی اخبار کے حوالے سے بتایا ہے کہ سعودی عرب کے ایک شہری کی پہلی بیوی نے عدالت میں خلع کا مقدمہ درج کرایا ہے۔

    اخبار کے مطابق خلع کا مقدمہ درج کرانے والی خاتون کا مؤقف ہے کہ ان کے خاوند نے انہیں دھوکہ دیا اور کہا کہ وہ کسی کا قرض ادا کرنے کے لیے بینک سے ان کے نام پرقرض لے رہا ہے مگر اس کے بعد انہیں معلوم ہوا کہ اس نے اس سے دوسری شادی کرلی ہے۔

    خلع کا مقدمہ دائر کرنے والی خاتون کے مطابق ان کی جانب سے اجازت دیے جانے کے بعد بینک نے ان کے خاوند کو ایک لاکھ 20 ہزار ریال کا قرض دیا تھا۔

    خلیجی اخبار کے مطابق خاتون کا کہنا ہے کہ پہلے استفسار پر ان کے خاوند نے انکار کیا لیکن بعد میں کہا کہ وہ دوسری شادی کے متعلق سوچ رہا ہے تو انہوں نے عدالت میں خلع کا مقدمہ دائر کردیا ہے۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.