Jirga South Asia

  • This topic is empty.
Viewing 1 post (of 1 total)

  • Author
    Posts
  • #11819
    Syed Muhammad
    Moderator

    کنٹرول لائن کی دونوں جانب اور دنیا بھر میں کشمیری کل یوم حق خودارادیت اس عہد کی تجدید کے ساتھ منائیں گے کہ تحریک آزادی کو اس کے منطقی انجام تک جاری رکھا جائے گا ۔

    اقوام متحدہ کی سلامتی کونسل نے پانچ جنوری 1949ء کو ایک قرارداد منظور کی تھی جس میں اقوام متحدہ کے زیراہتمام رائے شماری کے ذریعے کشمیریوں کو ان کے مستقبل کا فیصلہ خود کرنے کے ان کے حق کی حمایت کی گئی تھی ۔

    پاکستان کا اقوام متحدہ پر آسیہ اندرابی کیخلاف بے بنیاد الزامات کے خاتمہ کیلئے بھارت پردباؤ ڈالنے پرزور

    اس دن دنیا بھر میں ریلیوں، سیمیناروں اورکانفرنسوں سمیت مختلف سرگرمیوں کا اہتمام کیاجائے گا جس کا مقصد اقوام متحدہ کو یہ یاد لانا ہے کہ اسے مسئلہ کشمیر کو اپنی متعلقہ قراردادوں پرعملدرآمد کے تحت حل کرناچاہیے اور کشمیریوں کو بھارتی مظالم سے نجات دلانی چاہیے ۔

    ادھر حریت رہنمائوں اورتنظیموں نے اقوام متحدہ اور عالمی برادری پرزوردیا ہے کہ وہ کشمیریوں کو ان کا بنیادی حق خودارادیت دلانے کا اپنا وعدہ پوراکریں۔

    مسلمانوں پر مودی سرکار کا ایک اور ظلم ، آسام میں تمام مدارس ختم کرنے کا بل منظور

    حریت رہنما غلام احمد گلزار نے اقوام متحدہ کے سیکرٹری جنرل انتونیو گوتریس کو ایک خط میں کہا کہ کشمیر کے عوام غیرقانونی طور پر بھارت کے زیرقبضہ کشمیر میں شروع کی گئی لسانی بنیادوں پر ظالمانہ نسل کشی روکنے کے لئے قانونی مداخلت چاہتے ہیں۔

    انہوں نے کہا کہ کشمیر میں دس لاکھ سے زائد فوج موجود ہے جسے تمام کالے قوانین کی پشت پناہی اور لوگوں کو قتل کرنے اور ناقابل تنسیخ حق خودارادیت کی مقبول آواز دبانے کا لائسنس حاصل ہے۔

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.