Jirga South Asia

  • This topic is empty.
Viewing 1 post (of 1 total)

  • Author
    Posts
  • #12496
    Aliya Sultan
    Participant

    پاک جرگہ (4 فروری 2021) بالی ووڈ اداکارہ کنگنا رناوت نے سماجی رابطوں کی ویب سائٹ ٹوئٹر کو دھمکی دی ہے کہ اگر ان کا اکاؤنٹ معطل کیا گیا تو انڈیا میں ٹوئٹر بند کردیا جائے گا۔

    کنگنا رناوت نے ٹوئٹر کے مالک جیک ڈورسی کو مخاطب کرتے ہوئے اپنے ایک ٹویٹ میں کہا کہ چین کا کٹھ پتلی ٹوئٹر ان کا اکاؤنٹ معطل کرنے کی دھمکی دے رہا ہے حالانکہ انہوں نے کسی اصول کی خلاف ورزی نہیں کی۔

    اداکارہ نے جیک ڈورسی کو دھمکی دیتے ہوئے کہا کہ ’یاد رکھو، جس دن میں جاؤں گی تم کو ساتھ لے کر جاؤں گی، چینی ٹک ٹاک کی طرح تم بھی بین ہوجاؤ گے۔‘

    یاد رہے کہ کنگنا رناوت نے اپنے ایک انٹرویو میں کہا تھا کہ عام زندگی میں بہت شرمیلی اور ڈرپوک لڑکی ہوں بلاوجہ کی تنقید سے بچنے کے لیے میں ٹوئٹر جیسی سوشل نیٹ ورکنگ ویب سائٹ سے بھی دور رہتی ہوں۔

     

    View this post on Instagram

     

    A post shared by Kangana Ranaut (@kanganaranaut)

    شہرہ آفاق پاپ اسٹار ریحانہ کی جانب سے بھارت میں احتجاج کرنے والے کسانوں کی حمایت میں کیا گیا ٹوئٹ بالی وڈ اداکارہ کنگنا رناوت کے لیے ناقابل برداشت صورتحال بن گیا اور وہ آپے سے باہر ہو گئیں۔ کنگنا نے  الاقوامی پاپ اسٹار ریحانہ کو ایک “فحش گلوکارہ” اور ایک “فحش فلموں کی اداکارہ” اور “بائیں بازو کا رول ماڈل” قرار دے دیا۔

    جمعرات کو اداکارہ کنگنا رناوت کے کچھ نازیبا ٹویٹس جن میں انہوں نے ریحانہ اور تپسی پنوں کو نشانہ بنایا تھا، مائیکروبلاگنگ سائٹ ٹویٹر نے حذف کردیا اور کہا کہ یہ پوسٹس ان کے قواعد کی خلاف ورزی ہیں۔

    دریں اثنا ، اداکارہ کی ایک اور توہین آمیز ٹویٹ جسے ٹویٹر قوانین کی خلاف ورزی کرنے پر ہٹا دیا گیا وہ ایک ٹویٹ تھا جہاں کنگنا نے متعدد کرکٹرز کو “دھوبی کا کتا” قرار دیا۔

    دوسری طرف اداکارہ کنگنا رناوت نے اداکارہ تاپسی پنوں پر وار کرتے ہوئے انہیں بھارت پہ بوجھ قرار دے دیا۔

    ریحانہ کے ٹوئٹ پر ردعمل دیتے ہوئے اداکارہ تاپسی پنوں نے ٹوئٹ کیا تھا کہ “اگر ایک ٹوئٹ آپ کے اتحاد کو جھنجھوڑ دیتا ہے، اگر ایک مذاق آپ کے یقین کو جھنجھوڑ دیتا ہے اور اگر ایک شو آپ کے مذہبی عقیدے کو جھنجھوڑ دیتا ہے تو وہ آپ ہیں جسے اپنے اقدار کو مضبوط کرنے کی ضرورت ہے دوسروں کے لیے ’پیروپیگنڈہ ٹیچر‘ نہ بنیں”۔

    ایک اور ٹویٹ میں کنگنا نے لکھا کہ “تیری ماں کو گالی دوں، یہ تیرے یقین کو جھنجھوڑ دے گا بیوقوف… تیری جیسی دوسروں کی روٹیوں پر پلنے والی پالتو ہوتے ہیں… کبھی کچھ اور نہیں بن پاتے… چپ کر اب-“

    گزشتہ روز کنگنا نے کینیڈا کی دوسری بڑی سیاسی جماعت این ڈی پی کے لیڈر اور بھارتی نژاد جگمیت سنگھ کی ایک ویڈیو ری شیئر کرتے ہوئے ریحانہ کے خلاف ایک اور ٹوئٹ کی۔

    کنگنا نے اپنی ٹوئٹ میں کہا کہ ’یہ دہشتگرد (جگمیت سنگھ) فحش گلوکارہ کا دوست ہے، اس پر دہشتگردی کے لیے مالی معاونت کا الزام ہے، اس کے دماغ میں بھی خالصتان ہے ، ایک فحش گلوکارہ اس کو فولو کررہی ہے جو اس کی سب سے بڑی کامیابی ہے۔

    کنگنا رناوت جو ان دنوں ٹویٹر پر چومکھی لڑتی نظر آ رہی ہیں، شاید بالی ووڈ میں اپنی حیثیت کھو جانے کے تنیجے میں شدید نفسیاتی مسائل کا شکار ہیں- انسٹا گرام پر ایک پیغام میں کنگنا کا خود بھی یہی کہنا تھا کہ “کیا مجھے ذہنی ، جذباتی اور جسمانی طور پر اذیت دی جارہی ہے؟ مجھے اس قوم سے جواب چاہیے”-

     

    View this post on Instagram

     

    A post shared by Kangana Ranaut (@kanganaranaut)

     

Viewing 1 post (of 1 total)
  • You must be logged in to reply to this topic.

Comments are closed, but trackbacks and pingbacks are open.